Safal Khabar - सामथ्र्य फाउण्डेसनको रकम अध्यक्षले दुरुपयोग गरेको सामथ्र्य नेपालका कोषाध्यक्ष प्रकाश थापाको भनाइ
आइतबार, ०५ साउन २०७६ (Sunday, 21 July, 2019)
सामथ्र्य फाउण्डेसनको रकम अध्यक्षले दुरुपयोग गरेको सामथ्र्य नेपालका कोषाध्यक्ष प्रकाश थापाको भनाइ
शुक्रबार, २७ असार २०७६, १७ : ४४
सामथ्र्य फाउण्डेसनको रकम अध्यक्षले दुरुपयोग गरेको सामथ्र्य नेपालका कोषाध्यक्ष प्रकाश थापाको भनाइ

चितवन । सामथ्र्य नेपालका अध्यक्ष अर्जुन भुषालले सामथ्र्य फाउण्डेसनको रकम दुरुपयोग गरेको सामथ्र्य नेपालका कोषाध्यक्ष प्रकाश थापाले बताउनु भएको छ । एक जिल्लाबाट २ जना अनाथ तथा बिपन्न बालबालिकालाई  पढाउने भनेर उठाएको पैसा डस्टविन किनेर खर्च गरेको भनेर अध्यक्ष भुषालले बिहिबारको बैठकबाट पास गराउन खोजेको र आफूले त्यसको विरोध गरी सिग्नेचर नगरेको थापाले बताउनुभयो । 

फाउण्डेसनमा धेरै रकम दाताहरुले बोलेपनि १ लाख ९० हजार रकम नगद उठेको र त्यो रकम डस्टविन किनेर खर्च गरेको भनेर बैठकबाट अनुमोदन गराएर आफू बच्ने काम अध्यक्ष भुषालले गर्न थालेको उहाँको भनाइ छ । जुन शिर्षकका लागि उठाएको हो त्यही शिर्षकमा पैसा खर्च गर्नुपर्ने आफनो पुरानो अडान कायमै रहेको उहाँ बताउनुहुन्छ । अध्यक्षको विषयमा धेरै विवाद आएपछि बिहिबारको बैठक उपाध्यक्ष आशिस बस्नेतको अध्यक्षतामा बसेको बताइएको छ । अहिले अध्यक्षले संस्थागत तवरबाट काम नगरेपछि सबै जसो पदाधीकारीहरु असन्तुष्ट छन् । कोषाध्यक्ष प्रकाश थापाले पनि छुट्टै अभियान थाल्नु भएको छ । अध्यक्षको विषयमा ती विवाद आएपछि वर्तमान सल्लाहकार र पुराना कार्यसमिति सदस्यहरु गरी करिव ४० जनाको सहभागितामा शनिबार बैठक बस्ने तयारीमा आफूहरु रहेको एक अभियान्ताले बताए । 

यता अध्यक्ष भुषालले भने आफूले फाउण्डेसनको रकम चितवन महोत्सव, गैंडाकोट महोत्सवमा स्टल राख्दा र डस्टविन खरीद गर्दा खर्च भएको बताउनु भएको छ ।  

प्रतिक्रिया दिनुहोस