Safal Khabar - माडिमा जँगली बँदेलको मासुको खुल्ला रुपमै कारोवार, सामाजिक अगुवाहरु नै बँदेलको मासु खान सोखिन
बुधबार, ०१ असोज २०७६ (Wednesday, 18 September, 2019)
माडिमा जँगली बँदेलको मासुको खुल्ला रुपमै कारोवार, सामाजिक अगुवाहरु नै बँदेलको मासु खान सोखिन
मङ्गलबार, २८ जेठ २०७६, १९ : ३५
माडिमा जँगली बँदेलको मासुको खुल्ला रुपमै कारोवार, सामाजिक अगुवाहरु नै बँदेलको मासु खान सोखिन

चितवन । माडि नगरपालिका भित्रका आफूलाई समाजसेवि र अगुवा भन्नेहरुले  बँदेलको मासु लुकी छिपि खाने गरेको भेटिएको छ । जँगली जनावरका रुपमा रहेको बँदेलको मासु खान प्रतिबन्ध लगाइएको छ । चितवन निकुञ्जमा बँदेलको संख्या बढि हुने र त्यही बँदेल वस्ती तथा बारिमा छिरेपछि तस्करहरुले मारी मासुको रुपमा विक्री गर्ने गरेका समाचारहरु बेलाबेलामा आइरहेका हुन्थे । तर निकञ्जसँगै जोडिएको माडि नगरपालिकाका ठुलाबडाहरुले नै बँदेलको खुल्लारुपमै मासु खाने गरेको यस पटक प्रमाणसहित नै भेटिएको हो । 

घरेलु तथा साना उद्योग कार्यालय चितवनले गरेको संयुत्त बजार अनुगमनका क्रममा माडि बसन्तपुर बजारको न्यु चितवन कोल्ड स्र्टोसमा अनुगमन गर्दा ५ केजि बँदेलकोे मासु पलास्टिकमा पोका बनाएर फ्रिजमा राखिएको भेटिएको हो । अनुगमन टोलिले मासु बिग्रीएको शंका गरेर नष्ट गर्न खोज्दा स्र्टोसका सञ्चालक हरिबहादुर ज्ञाद्रिसले घरबेटी भागिरथ बस्यालले १ महिना अगाडि ८ पोका बँदेलको मासु राखिदिनु भनेर दिएको र केही पोका लगेपनि बाँकि ५ पोका अझैसम्म नलगेकाले फ्रिजमै रहिरहेको बताउनु भयो । आफूले निकुञ्जका आर्मीहरु आउँछन् मासु नराख्नु भनेर पटक पटकभन्दा पनि उहाँले नमानेकोले  मासु यसै रहिरहेको उहाँले बताउनु भयो । अनुगमन टोलिका संयोजक शुर्दशन पौडेलले मासु पसलैबाट भागिरथ बस्याललाई फोन गरी मासु नष्ट गरिदिने बताएपछि बस्यालले मासु लिन भन्दै तत्कालै आफनो प्रतिनिधि पठाएका थिए । टोलिले मासु नष्ट गर्ने बताएपनि पछि मासु नष्ट गर्न नमिल्नेभन्दै मासु फ्रिजमै छाडेर फर्किएको थियो । भागिरथ बस्याल रेडक्रस बगौडा साखा अध्यक्ष भएको बताइएको छ । समाजका विशिष्टहरुले नै यसरी लुकि छिपि बँदेलको मासु खानु र स्थानीय प्रहरी प्रशासन पनि त्यसमा चनाखो बन्न नसक्नु आफैमा दुखद बिषय हो ।

माडिमा रहेको प्रहरी प्रशासन पनि त्यस्ता विषयमा उदार बनिदिँदा माडिमा पहुचवालाहरुले जँगली जनावर मार्ने र मासु खाने क्रम बढेको केही स्थानीयहरुले बताएका छन् । अनुगमन टोलिमा ईलाका प्रहरी कार्यालय माडिका प्रतिनिधिहरु पनि सहभागि रहेका थिए । तर मासु नियन्त्रणमा लिने र नष्ट गर्ने विषयमा कसैले पनि निर्णय गर्न नसकेपछि अन्तत मासु फ्रिजमै छाडेर टोलि फर्किएको थियो ।  

nic asia
Yeti Diistillery

प्रतिक्रिया दिनुहोस