Safal Khabar - भारी हिमपातमा विमान फसेपछि पाइलटले ककपिटबाट फोन गरेर मगाए पिज्जा
शुक्रबार, ०८ चैत २०७५ (Friday, 22 March, 2019)
भारी हिमपातमा विमान फसेपछि पाइलटले ककपिटबाट फोन गरेर मगाए पिज्जा
एजेन्सी
शनिबार, २५ फागुन २०७५, १८ : ४८
भारी हिमपातमा विमान फसेपछि पाइलटले ककपिटबाट फोन गरेर मगाए पिज्जा

क्यानडा । क्यानडामा खराब मौसम अहिले सर्वसाधारणका लागि टाउको दुखाईको विषय बनेको छ । सडकमा आवत–जावत रोकिएको छ, यस्तै विमान सेवा पनि प्रभावित भएको छ ।
गत मार्च ४ तारिखमा टोरेन्टोबाट ओन्टारियो जाँदै गरेको एउटा विमान भारी हिमपातका कारण अचानक डाइभर्ट गरियो । विमान करिब आठ घण्टासम्म फ्रेडेरिक्टन इलाकामा फस्यो । सीएनएनका अनुुसार यस्तो स्थितीमा यात्रीका लागि खानाको कमी भयो । स्थितीलाई बुझेर विमान चालकले यात्रुका लागि ककपिटबाटै फोन गरेर पिज्जा अर्डर गरेका छन् ।

रेष्टुरेन्टले डेढ घण्टामा पुर्यायो पिज्जाः

पाइलटले यात्रीका लागि २३ वटा लार्ज पिज्जा मगाएका थिए । साधारणतया यति ठूलो अर्डरमा धेरै समय लाग्छ । तर रेष्टुरेन्टमा सबै सेफलाई काममा लगाएर डेढ घण्टामा नै अर्डर पुर्र्याए ।

रेष्टुरेन्टकी म्यानेजर जोफी लारिवीले उनले थुप्रै पटक ठूला अर्डर लिएता पनि कुनै अर्डर सिधा विमानभित्रै पुर्याएको यो पहिलो घटना भएको बताइन् । आफूहरु यस्तो अचम्मको अर्डरबारे रातीभरी हाँसेको उनले बताइन् ।

पाइलटले फोन गरेर पिज्जा पसललाई दिए धन्यवादः

 एयर क्यानडाकी प्रवक्ता एन्जेला माहले यस्तो मौकामा विमानका पाइलट र अन्य सदस्यलाई निकै सोचेर काम गरेको भन्दै बधाई दिइन् । उनका अनुसार सबै यात्रीको मिलिजुली प्रयासले यात्रुको ठूलो समस्या सुल्भिएको छ । यद्यपी, उनले पिज्जा अर्डर गर्ने पाइलटको नाम भने सार्वजनिक गरिनन् । रेष्टुरेन्ट म्यानेजर लारिवीले पिज्जा पुर्याएपछि पाइलटले उनलाई फोनमा धन्यवाद दिएको बताइन् ।
यस्तै, विमानमा सवार यात्रीले पनि पाइलटको यस्तो कदमको प्रशंसा गरेका छन् । एक यात्रीले भोकका कारण विमानमा सवार सबैजना तनावमा भएको बताउँदै पाइलटको एउटा कदमले सबैको अनुहारमा मुस्कान ल्याइदिएको बताए । यात्री बिल कस्टर्नले पिज्जासँगैको एउटा फोटो सोसल मिडियामा पनि अपलोड गरेका छन् ।
 

प्रतिक्रिया दिनुहोस

Loading...