प्रतिनिधिसभाको भदौ महिनाको क्यालेन्डर तय

काठमाडौँ । प्रतिनिधिसभा कार्यव्यवस्था परामर्श समिति बैठकले भदौ महिनाको क्यालेन्डर तय गरेको छ । सभामुख देवराज घिमिरेको अध्यक्षतामा बसेको बैठकले भदौ महिनाको क्यालेन्डर तय गरेको सभामुखका प्रेस विज्ञ शेखर अधिकारीले जानकारी दिए । 

बिहीबार सिंहदरवारस्थित सभामुख घिमिरेको कार्यकक्षमा क्यालेन्डरका विषयमा मुख्य पाँच राजनीतिक दलका प्रमुख सचेतकहरूसँग छलफल भएको थियो । सत्तारुढ दल नेपाली कांग्रेसका प्रमुख सचेतक श्यामकुमार घिमिरे, नेकपा एमालेका प्रमुख सचेतक महेश बर्तौला, नेकपा माओवादी केन्द्रका प्रमुख सचेतक हितराज पाण्डे, राष्ट्रिय प्रजातन्त्र पार्टी (राप्रपा) सचेतक अनिसा नेपाली र राष्ट्रिय स्वतन्त्र पार्टी (रास्वपा) का प्रमुख सचेतक सन्तोष परियार सहभागी बैठकको सहमति अनुसार आजको कार्य व्यवस्था परामर्श समिति बैठकले क्यालेन्डर तय गरेको हो ।