भक्तपुर । नेकपा एमाले स्थायी कमिटी सदस्य एवम् प्रचार तथा प्रकाशन विभाग प्रमुख राजेन्द्र गौतमले पार्टी र नेतृत्वमाथि आक्रमण हुँदा पार्टी कार्यकर्ता मौन बस्न नहुने बताएका छन् ।
नेकपा एमाले बागमती प्रदेश प्रचार तथा प्रकाशन विभागले शुक्रबार भक्तपुरमा आयोजना गरेको प्रचार कार्यशालामा बोल्दै गौतमले पार्टी र नेतृत्व माथि चौतर्फी आक्रमण हुँदा पनि एमालेका नेताहरूले नै आफ्नो धारणा सार्वजनिक नगर्नु दुर्भाग्य भएको बताएका हुन् ।
‘पार्टी माथि गलत आरोप लगाएर आक्रमण गर्दा पनि हामी धेरै नेता नै मौन बसेका छौँ’, गौतमको भनाइ छ । एमाले सरकारमा रहँदा गरेका धेरै कामका फेहरिस्त सञ्चारमाध्यम र सामाजिक सञ्जाल मार्फत जनताको बिचमा पुर्याउनुपर्नेमा जोड दिँदै गौतमले पार्टी प्रचारको काम सबैभन्दा महत्वको काम भएको बताए ।
‘२०८४ को निर्वाचनमा डिजिटल वार हुन्छ, यसको तयारी गरिएन भने हामी पाखा लाग्ने अवस्था आउँछ’, गौतमको भनाइ छ ।
_20250510155900.jpg)
प्रतिक्रिया दिनुहोस
सफल खबर संवाददाता
शुक्रबार, २३ जेठ २०८२, १३ : ५६
लेखकबाट थप