हत्या गरेको अभियोगमा एक जना पक्राउ

सोलुखुम्बु । सोलुखुम्बुमा बाँसको भाटा प्रहार गरी हत्या गरेको अभियोगमा एक जना पक्राउ परेका छन् ।

पक्राउ पर्नेमा महाकुलुङ गाउँपालिका-२ चंखिदो बस्ने ४० वर्षीय प्रेम कुमार कुलुङ राई रहेका छन् । राईको हत्या गरेको आरोपमा प्रहरीले सोही ठाउँ बस्ने २६ वर्षीय रघु कुलुङ राईलाई शुक्रबार बिहान पक्राउ गरेको छ ।

रघुले आफ्नै घरमा प्रेम कुमारलाई बिहीबार राति बाँसको भाटा र लाठ्ठी प्रहार गर्दा गम्भीर घाइते भएका उपचारको लागि  महाकुलुङ आधारभूत अस्पतालमा उपचारको क्रममा उनको शुक्रबार बिहान मृत्यु भएको प्रहरीले जनाएको छ ।

मृत्युको खबर प्राप्त हुनासाथ प्रहरी चौकी बुङबाट खटिएको प्रहरीले रघुलाई पक्राउ गरेको हो । रघुलाई पक्राउ गरी आवश्यक अनुसन्धान गरिरहेको प्रहरीले जनाएको छ ।