प्रचण्ड आज रुपन्देहीमा, चार कार्यक्रममा सहभागी हुने

काठमाडौ । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ आज (बुधबार) रुपन्देही आउने भएका छन् । 

जिल्लाका विभिन्न चार कार्यक्रममा प्रचण्डले सहभागिता जनाउने छन् । कार्यतालिका अनुसार बिहान ११ बजे रुपन्देहीको ओमसतिया–६ मा अवस्थित रामजानकी जमुहानी पोखरा ताल पार्कको शिलान्यास गर्ने कार्यक्रम छ । 

त्यसपछि अध्यक्ष प्रचण्ड बुटवल उपमहानगरपालिकाको समन्वयमा ज्योतिनगर पहिरो क्षेत्रको निरीक्षण गर्नेछन । 

त्यसपछि प्रचण्ड बुटवल ट्राफिक चोकमा आयोजना हुने मगर मुक्ति मोर्चाको राष्ट्रिय सम्मेलनलाई सम्बोधन गर्नेछन् । 

त्यसपछि सैनामैनामा चलिरहेको सुनगाभा सैनामैना गोल्डकप फुटबल प्रतियोगिताको समापन समारोहमा पुग्ने माओवादीका जिल्ला नेता निर्मल जिसीले जानकारी दिए ।