माडी गाउँपालिकाले दियो भोलि सार्वजनिक बिदा

काठमाडौं। रोल्पाको माडी गाउँपालिकाले भोलि (बिहीबार) सार्वजनिक बिदा दिएको छ ।सशस्त्र संघर्षका क्रममा बलिदान दिने ज्ञात अज्ञात शहीदहरूप्रति हार्दिक श्रद्धाञ्जली अर्पण गर्दै गाउँपालिकाले बिहीबार पालिकाभर सार्वजनिक बिदा दिने निर्णय गरेको हो ।

'प्रस्तुत विषयमा मिति २०८१/१०/१० गते बसेको गाउँ कार्यपालिकाको बैठकको निर्णय अनुसार मिति २०५२ फागुन १ गतेका दिनदेखि शुरू भएको महान् जनयुद्ध (सशस्त्र संघर्ष)का क्रममा बलिदान दिनुहुने ज्ञात अज्ञात शहीदहरूप्रति हार्दिक श्रद्धाञ्जली ।

 घाइते तथा अपाङ्ग भएका व्यक्तिहरूको शीघ्र स्वास्थ्य लाभको कामना र बेपत्ता पारिएका व्यक्तिहरूको यथाशीघ्र खोज अनुसन्धान गर्न सम्बन्धित निकायको ध्यानाकर्षण गराउँदै, प्रदेश कानूनद्वारा प्राप्त अधिकारको प्रयोग गरी उक्त दिन पालिकाभर १ दिन सार्वजनिक बिदा दिने निर्णय भएकोले मिति २०८१ फागुन १ गते गाउँपालिकाभर सार्वजनिक बिदा दिइएको व्यहोरा सम्बन्धित सबैको जानकारीको लागि यो सूचना प्रकाशित गरिएको छ,' जारी विज्ञप्तिमा भनिएको छ ।