प्रचण्डको नेतृत्व नभएको भए जनयुद्ध हुने थिएन : जनार्दन शर्मा

काठमाडौँ । नेकपा माओवादी केन्द्रका उपमहासचिव एवं पूर्वजनमुक्ति सेनाका कमाण्डर जनार्दन शर्माले प्रचण्डको नेतृत्व नभएको भए जनयुद्ध नहुने बताएका छन् । गणतन्त्र सेनानी कोषले बुधबार राजधानीमा राखेको सम्मान कार्यक्रममा बोल्दै उनले प्रचण्डकै नेतृत्व भएकाले संघीय गणतन्त्र ल्याउन सम्भव भएको भनाइ राखे ।

‘प्रचण्डको नेतृत्व नभएको भए जनयुद्ध हुने थिएन । गणतन्त्र ल्याउनका लागि सम्पूर्ण श्रेय प्रचण्डलाई दिन चाहन्छु’, उनले भने । कार्यक्रममा जनयुद्धका धेरै कथाहरू र धेरै सत्यहरू उजागर गर्न बाँकी रहेको उनले बताए । त्यतिबेला युद्धमा मृत्यु कि मुक्तिको संकल्प बोकेर हिँडेकाले अझै धेरै काम गर्न बाँकी रहेको उनको भनाइ थियो ।