धवनको अर्धशतक प्रेरित कर्णालीले काठमाडौंलाई दियो १५० रनको लक्ष्य

काठमाडौं । नेपाल प्रिमियर लिग (एनपीएल) को छैटौं खेलमा भारतीय क्रीकेटर शिखर धवनको उत्कृष्ट प्रदर्शनमा कर्णाली याक्सले काठमाडौ गुर्खाजलाई १५० रनको लक्ष्य दिएको छ ।

टीयु क्रीकेट मैदानमा टस हारेर पहिला ब्याटिङ गरेको कर्णालीले निर्धारित २० ओभरमा ५ विकेट गुमाउँदै १४९ रन बनाएको हो । कर्णालीका शिखर धवनले ५१ बलमा अविजित ७२ रन बनाए ।

पहिलो खेल गुमाएका दुवै टोली पहिलो जितको खोजीमा रहनेछन् । पहिलो खेलमा काठमाडौं चितवन राइनोजसंग ५ विकेट र कर्णाली जनकपुर बोल्ट्ससंग ८ विकेटले पराजित भएको हो ।