देउवाद्वारा व्यावसायिक सिप विकास विभागमा १० सदस्य मनोनीत

काठमाडौँ । नेपाली काँग्रेसको व्यावसायिक सिप विकास विभागमा सदस्यहरू मनोनीत भएका छन्।

सभापति शेरबहादुर देउवाले पार्टीको विधान, २०१७ (संशोधन सहित) को धारा २५ (९)बमोजिम दश जनालाई मनोनयन गरेका हुन्। उक्त विभागको प्रमुखमा गंगालक्ष्मी अवाल छन्।

सभापति देउवाले झापाकी वीना तामाङ, धनुषाका कोमलकान्त झा, भक्तपुरकी प्रतिभा अदुवा श्रेष्ठ, कास्कीकी निशा मल्ल ठकुरी, काठमाडौँका सुनिल श्रेष्ठ, बाँकेकी उमाकुमारी थापा, ललितपुरकी फरिन्दा महर्जन, जाजरकोटका रमेश केसी, काठमाडौँकी सीतादेवी बस्नेत कार्की र कञ्चनपुरकी प्रमीला जैरूलाई सदस्यमा मनोनयन गरेका हुन्।