४ लाख ५० हजार घुससहित वडाध्यक्ष र वडासचिव पक्राउ

काठमाडौं। अख्तियार दुरुपयोग अनुसन्धान आयोगले धनुषाको जनकपुर उपमहानगरपालिका वडा नम्बर २४ का अध्यक्ष उपेन्द्र सहनी र वडा सचिव उपेन्द्र साहलाई पक्राउ गरेको छ । आयोगका प्रवक्ता नरहरि घिमिरेका अनुसार उनीहरूलाई आयोगको टोलीले ४ लाख ५० हजार रुपैयाँ घुससहित मंगलबार पक्राउ गरेको हो ।

बाटो प्रमाणित गरिदिने प्रयोजनका लागि उनीहरूले सेवाग्राहीसँग घुस मागेका थिए ।उनीहरू दुवै जनालाई घुस लिइसकेको अवस्थामा वडा अध्यक्षको कार्यकक्षबाटै पक्राउ गरिएको हो । थप अनुसन्धान भइरहेको आयोगले जनाएको छ ।