प्रदेश प्रमुखले संविधान विपरीत काम गरिरहेको कांग्रेसको निष्कर्ष

काठमाडौं । नेपाली कांग्रेसका सभापति शेरबहादुर देउवाले पार्टीका शीर्ष नेताहरूसँग छलफल गरेका छन् । सत्ता गठबन्धनमा असन्तुष्टि माधव नेपाल भेटेपछि देउवाले पार्टीका शीर्ष नेताहरूलाई निवास बुढानीलकण्ठमा बोलाएर छलफल गरेका हुन्।

बैठकमा प्रदेश सरकार गठनको विषयमा प्रदेश प्रमुखहरूबाट भएका असंवैधानिक कदमका विषयमा छलफल भएको प्रवक्ता डा.प्रकाश शरण महतले बताए।

उनले भने- प्रदेश सरकार गठनको विषयमा संविधानको बर्खिलाप काम भइरहेका छन्, सुदूरपश्चिम र गण्डकीमा पनि त्यस्तै काम भइरहेका छन्। त्यसैले संविधानविपरीत हुने कुनै पनि गतिविधि स्वीकार्य नहुने भएकाले त्यही अनुसार प्रस्तुत हुन सम्बन्धित प्रदेशका साथीहरूलाई भनेका छौँ।