काठमाडौं । बेलायती विश्व सेवा (बीबीसी) ले युक्रेनसँगको युद्धका पछिल्ला तीन वर्षमा रुसले ५० हजार सैनिक गुमाएको दाबी गरेको छ । सन २०२२ फेब्रुअरी २४ बाट युक्रेनमा सैन्य हमला सुरु गरेको रुसले त्यो समयबाट ५० हजार सैनिक गुमाएको कुरा चिहान गनेर पत्ता लगाइएको बिबिसीले दाबी गरेको छ ।
बीबीसी रुसी सेवा, मिडियाजोनका कयौँ स्वयंसेवकहरूले रुसभरिका ७० सैन्य चिहान क्षेत्रमा थपिएका चिहान गन्दा यस्तो पत्ता लगाएको बिबिसीले दाबी गरेको छ ।पहिलो वर्षमा भन्दा युद्धको दोस्रो वर्षमा रुसले धेरै सैनिक गुमाएको दाबी बिबिसीको छ । दोस्रो वर्षमा २७ हजार ३०० सैनिक मारिएको बताइएको छ ।
वाग्नर समूहबाट मात्रै २२ हजार बढी लडाकु मारिएको बीबीसीको दाबी छ । मृत्यु भएका हरेक पाँचमा दुई जना रुसी सेनामा पहिलेबाट नजोडिएका समेत बीबीसीको दाबी छ ।
बीबीसीले यस्तो दाबी गरेकोमा रुसको कुनै औपचारिक प्रतिक्रिया आएको छ । युक्रेनले दाबी गरेको जस्तो लाख बढी रुसी सैनिक नमारिएको भने बीबीसीको दाबीले देखाएको छ । यस्तै अमेरिकी समाचार एजेन्सी एपीले सन २०२३ को जुलाईसम्म मै ५० हजार रुसी सैनिक मारिएको दाबी गरेको थियो । त्यो दाबी पनि बीबीसीको दाबी भन्दा धेरै देखिएको छ ।
प्रतिक्रिया दिनुहोस
सफल खबर संवाददाता
बुधबार, ०५ बैशाख २०८१, ११ : ५२
लेखकबाट थप
सम्बन्धित समाचारहरु
अमेरिकाले युक्रेनलाई गोप्य रुपमा दियो लामो दुरीको मिसाइल
अमेरिकाको तल्लो सदनमा युक्रेनलाई ६१ अर्ब डलरको राहत प्याकेज पारित
युक्रेनका प्रधानमन्त्रीको चेतावनी– हामीले हार्यौँ भने तेस्रो विश्वयुद्ध हुन्छ
जेलेन्स्कीले भने, ‘युक्रेनमा क्षेप्यास्त्र सकिन लाग्याे, सहयोग चाहियो’
युक्रेनमा रुसको हवाई हमला– ४ जनाको मृत्यु, ११ घाइते
‘नेटोले युक्रेनमा सेना पठाए तेस्रो विश्वयुद्द हुन्छ’