काठमाडौं। ओटावा–क्यानडाको सबैभन्दा ठूलो शहर टोरन्टोमा शुक्रवार दिउँसो भएको विवादका क्रममा एक प्रहरी अधिकारीमाथि छुरा प्रहार भएको छ ।टोरन्टो प्रहरीका अनुसार कलेज स्ट्रिट र ल्यान्सडाउन एभिन्यूको क्षेत्रमा रहेको एक व्यवसायिक भवनको पार्किङ स्थलमा स्थानीय समयअनुसार दिउँसो १ः३३ बजे उक्त घटना भएको हो ।
सीटीभी न्युजले प्राप्त गरेको भिडियोमा अधिकारीहरू पार्किङ गरिएका दुई कारको बीचमा भुइँमा आक्रमणकारी भनिएका एक व्यक्तिलाई नियन्त्रणमा लिन सङ्घर्ष गरिरहेको देखिन्छ ।दुई सुरक्षा अधिकारीले आक्रमणकारीतर्फ आफ्नो हतियार ताकेको र त्यसको केही समयमा नै त्यो व्यक्ति भुइँमा ढेलेको देख्न सकिन्छ ।
झडपमा घाइते प्रहरी र संदिग्ध दुवैको अवस्था स्थिर रहेको र अस्पतालमा उपचार भइरहेको छ ।टोरन्टोका नगर प्रमुख ओलिभिया चाउका अनुसार यो हप्ता टोरन्टोका तीन जना प्रहरी अधिकारी घाइते भएका छन् । चाउले सामाजिक सञ्जाल फेसबुकमा लेखेका छन्, ‘हिंसा कदापि स्वीकार्य हुँदैन ।”
प्रहरीमाथिको आक्रमणपछि उक्त क्षेत्रका सडकहरू अवरुद्ध भएको र घटनाको अनुसन्धान भइरहेको प्रहरीले जनाएको छ ।
प्रतिक्रिया दिनुहोस
सफल खबर संवाददाता
शनिबार, ०१ बैशाख २०८१, १४ : ०१
लेखकबाट थप
सम्बन्धित समाचारहरु
नेपाल ए र क्यानडा-११ बीचको निर्णायक खेल आज
नेपाल र क्यानडा-११ बिचको दोस्रो खेल आज
नेपाल ‘ए’ टीम पहिलो खेलमा क्यानडासँग ४ विकेटले पराजित
नेपाल एले क्यानडालाई दियो २१७ रनको लक्ष्य
क्यानडाविरुद्ध नेपाल ए टीमको ३ विकेट पतन
नेपाल टिम ‘ए’ आज क्यानडा-११ सँग भिड्दै