काठमाडौं । प्रतिनिधि सभाको इलाम क्षेत्र नम्बर २ र बझाङ प्रदेशसभा क्षेत्र नम्बर १ को उपनिर्वाचन आगामी वैशाख तेस्रो साता हुने भएको छ । त्यसबारे निर्णय गर्न आज निर्वाचन आयोगको पदाधिकारी बैठक बस्दै छ । बैठकले वैशाख १४ गते पछाडि र २० गते अगाडिको मिति तोक्ने तयारी गरेको छ ।
इलाम क्षेत्र नम्बर २ बाट निर्वाचित प्रतिनिधि सभा सदस्य सुवास नेम्वाङको निधन भएकाले सो पद रिक्त छ । यसैगरी बझाङ प्रदेशसभा क्षेत्र नम्बर १ बाट निर्वाचित पृथ्वीबहादुर सिंहको सवारी दुर्घटनामा निधन भएको थियो ।स्थानीय तहको उपनिर्वाचनको मिति आयोगको परामर्शमा सरकारले तोक्छ भने प्रदेश र प्रतिनिधि सभाको उपनिर्वाचनको मिति सरकारसँग परामर्श गरेर निर्वाचन आयोगले तोक्ने व्यवस्था छ ।
प्रमुख निर्वाचन आयुक्त दिनेश कुमार थपलियाले इलाम क्षेत्र नम्बर २ र बझाङ प्रदेशसभा क्षेत्र नम्बर १ को उपनिर्वाचनको विषयमा सरकारसँग परामर्श गरिसकेको र सोहीअनुसार आजको बैठकबाट निर्णय गर्न लागिएको जानकारी दिए ।
प्रतिक्रिया दिनुहोस
सफल खबर संवाददाता
आइतबार, १३ फागुन २०८०, ११ : ०५
लेखकबाट थप
सम्बन्धित समाचारहरु
प्रतिनिधि सभाको तेस्रो अधिवेशनले के के काम गर्यो ?
प्रतिनिधि सभाको बैठक वैशाख २ गतेसम्म स्थगित
गृहमन्त्री रवि लामिछानेको विषयलाई लिएर सदनमा सत्ता–प्रतिपक्ष आमने-सामने
प्रतिनिधिसभा बैठकको शून्य समय : सांसदहरू कसले के भने ?
प्रधानमन्त्री र मन्त्रीले समय माग्दा बोल्न दिने अभ्यास छ : सभामुख घिमिरे
जीवि राई गृहमन्त्रीको सम्पर्कमा छन् : विश्वप्रकाश शर्मा