जनमत पार्टीद्वारा ७ बुँदे मागसहित कृषि विश्वविद्यालय अगाडि प्रदर्शन

काठमाडौं। डा. सीके राउत नेतृत्वको जनमत पार्टीले सप्तरीमा आन्दोलन शुरू गरेको छ । सप्तरीमा रहेको कृषि विश्वविद्यालय अगाडि आइतवार प्रदर्शन गर्दै जनमतले विश्वविद्यालयमा दलीयकरण बन्द गर्नुपर्ने, गैरवैधानिक काममा रोक लगाउनुपर्ने, डीपीआरमा भएको भ्रष्टाचारको छानबिन गर्नुपर्ने माग अगाडि सारेको छ ।

यस्तै, ठेकापट्टामा भइरहेको मिलेमतो बन्द गर, परीक्षा बोर्डविना लिइएको परीक्षाको छानबिन गर, नियुक्तिमा राजनीतिकरण बन्द गर लगायतका माग जनमतले अगाडि सारेको छ ।​​​​​मधेश प्रदेश सरकारबाट सञ्चालित कृषि विश्वविद्यालयको भवन शिलान्यासको विषयलाई लिएर जनमतले आन्दोलन शुरू गरेको हो ।