टिकटक बन्द गर्ने निर्णयविरुद्धको रिट आज 'हेर्न नभ्याइने'मा

काठमाडौं। टिकटक बन्द गर्ने सरकारको निर्णयविरुद्ध परेको रिटमाथि सर्वोच्च अदालतमा मंगलवार सुनुवाइ हुन सकेन ।न्यायाधीश सुष्मालता माथेमा र प्रकाश शर्माको इजलासमा पेसी तोकिए पनि रिट हेर्न नभ्याइनेमा परेको हो । रिटको पेसी सूचीको अन्तिमतिर २६ औं नम्बरमा थियो ।

अधिवक्ता स्वागत नेपालसहितले दायर गरेका रिटमाथि यसअघि सर्वोच्चले प्रारम्भिक सुनुवाइ गर्दै कारण देखाऊ आदेश जारी गरेको थियो ।सरकारले कात्तिक २७ गते नेपालमा टिकटक बन्द गर्ने निर्णय गरेको थियो ।सरकारको निर्णयविरुद्ध परेका रिटमा सर्वोच्चले मंसिर ५ गते कारण देखाऊ आदेश जारी गरेको थियो ।