काठमाडौँ । नेकपा माओवादी केन्द्रले भोलि (सोमबार) आफ्नो आधिकारिक वेभसाइट लन्च गर्ने भएको छ । माओवादीको प्रचार विभागले लामो समयको गृहकार्यपछि भोलि वेभसाइट लन्च गर्न लागिएको हो ।
देखाउनेभन्दा पनि दिगो हिसाबले जाने गरी प्रविधिलाई प्रयोग गरी वेभसाइट निर्माण गरिएको टास्क फोर्सका संयोजक निर्मलकुमार ज्ञवालीले जानकारी दिए । वेभसाइट केन्द्रीय कार्यालय पेरिसडाँडामा प्रधानमन्त्री पुष्पकमल दाहाल प्रचण्डले उद्घाटन गर्नेछन् । www.ncpmc.org लगइन गरी वेभसाइट भिजिट गर्न सकिन्छ । ज्ञवालीका अनुसार वेभसाइटमा पाठक कहाँ बसेर हेर्छन् त्यहीँको समाचार आउनेदेखि नेपाली टेक्स पढेर सुनाइ दिने विशेषता रहेको छ ।
‘पाठक कहाँ बसेर हेर्छन् त्यहि क्षेत्रको समाचार आउनेदेखि लिएर नेपाली शब्दलाई पनि पढेर सुनाइदिने प्रविधि प्रयोग गरेका छौँ । हुँदै नहुनुभन्दा हतारमा लन्च गर्न लागिएको हो । सबै भरेरभन्दा पनि सार्वजनिक गरौँ त्यसपछि भर्दै जाउँला भन्ने हिसाबले गर्न लागिएको हो’, साइटबारे जानकारी दिँदै उनले भने, ‘हामीले गतिविधि मूलकलाई स्थान दिएका छौँ । अन्य पार्टीको वेभसाइट म्याटरहरूलाई बढी प्रोत्साहन दिएको छ । हामीले भइरहेको कार्यक्रम स्रोतको रुपमा लिनेगरी झण्डै न्युज पोर्टलको रुपमा लन्च गर्न लागिएको छ ।’
यसले पूर्णता पाइसकेपछि एउटा सामान्य पत्रकारलाई माओवादीबारे भोलि विस्तृत सूचना चाहिएको खण्डमा काफी हुने आधार तयार भएको ज्ञवालीले बताए । यस्तै नेपाली ग्रामर चेक गर्ने फिचर यसमा भएको र पाठ्य सामाग्री तथा सूचनामुलक बढी बनाएका उनको भनाइ छ ।
यसलाई निरन्तरता दिनका लागि एउटा टिम नै तयार गरेर दैनिक भएका कार्यक्रम र पार्टीका गतिविधि वेभसाइटमा आउने गरेर राख्ने उनको भनाइ छ ।
प्रतिक्रिया दिनुहोस
सफल खबर संवाददाता
आइतबार, १० मंसिर २०८०, २१ : १३
लेखकबाट थप
सम्बन्धित समाचारहरु
संसद्मा बलियो प्रतिपक्षीको भूमिका निर्वाह गर्ने माओवादी केन्द्रको निर्णय
कोशी सरकारबाट बाहिरियो माओवादी केन्द्र
कोशी सरकारबाट माओवादी केन्द्र बाहिरिदै
माओवादी केन्द्रको पदाधिकारी बैठक बस्दै
भ्रष्टाचारविरुद्ध लड्दालड्दै सरकार गिराइयो : प्रचण्ड
विपक्षमा मतदान गर्दै सशक्त प्रतिपक्षको भूमिका निभाउने माओवादीको निर्णय