चितवन । चितवन राष्ट्रिय निकुञ्जमा तस्करले दुईवटा गैँडा मारेका छन्। निकुञ्जको पूर्वी सेक्टरअन्तर्गत सतरचुली पोष्टबाट तीन दशमलव पाँच किलोमिटर दक्षिण–पूर्वमा खाल्डोमा पारेर गैँडा मारिएका हुन्।
निकुञ्जका सूचना अधिकारी गणेश तिवारीका अनुसार अन्दाजी छ वर्ष र १८ वर्षका पोथी गैँडा खाल्डोमा मरेको अवस्थामा भेटिएका हुन् ।
दुवै गैँडा खागविहीन अवस्थामा मृत भेटिएका छन्। छ वर्षको गैँडाको खाग काटिएको देखिएको र अर्को ठूलो गैँडाको खाग नै नभएको तिवारीले जानकारी दिए।
छ वर्षको गैँडा मृत भेटिएको खाल्डो नयाँ हो भने अर्को गैँडाको खाल्डो तुलनात्मकरूपमा केही पुरानो देखिएको तिवारीले बताए।
सानो गैँडा अन्दाजी तीन दिन पहिले र ठूलो गैँडा १० दिन जति पहिला खाल्डोमा पारिएको अनुमान गरिएको छ।
बिहीबार साँझमात्र घटनाको विवरण आएलगत्तै अनुसन्धान थालिएको निकुञ्ज प्रशासनले जनाएको छ।
यस वर्ष निकुञ्जमा चोरी–सिकारीबाट पहिलोपटक गैँडा मरेका हुन्। प्राकृतिक कारणले यस वर्ष पाँचवटा गैँडा मरेका छन् । गत वर्ष तस्करले अमलटारी क्षेत्रमा दुईवटा गैँडा मारेका थिए।
प्रतिक्रिया दिनुहोस
सफल खबर संवाददाता
शुक्रबार, ०१ मंसिर २०८०, ०८ : १५
लेखकबाट थप
सम्बन्धित समाचारहरु
सातवटा गैँडालाई आन्तरिक स्थानान्तरण गरियो
चितवन राष्ट्रिय निकुञ्जबाट तीन भाले गैँडा स्थानान्तरण
कावासोतीबाट गैँडा स्थानान्तरण सुरु
आजदेखि छवटा गैँडालाई आन्तरिक स्थानान्तरण
गैंडाको आक्रमणबाट एक जना घाइते
चितवन निकुञ्जभित्र दुई वटा गैँडा मारेको आरोपमा आठ जना पक्राउ