काठमाडौं । सरकारले सामाजिक सञ्जाल टिकटक बन्द गर्ने निर्णय गरेपछि विभिन्न टिकाटिप्पणी सुरू भएका छन्। कतिपयले टिकटक बन्द गर्ने सरकारको निर्णय स्वागतयोग्य भनेका छन् भने कतिपयले विमति जनाएका छन्।
यसैबीच राष्ट्रिय प्रजातन्त्र पार्टी (राप्रपा) ले टिकटक बन्द गर्ने निर्णय अस्वीकार्य, आपत्तिजनक र दुर्भाग्यपूर्ण रहेको जनाएको छ।
प्रवक्ता मोहनकुमार श्रेष्ठले टिकटकलाई प्रतिबन्ध गरेर सरकारले अधिनायकवादको नयाँ अध्याय प्रारम्भ गरेको बताए ।‘लोकतन्त्रमा विधि, पद्धति बसाल्ने, विकृति, विसंगति रोक्ने, नियमन गर्ने कुरा प्रधान हुन्छ तर अभिव्यक्ति स्वतन्त्रता कुण्ठित गर्ने कुरा स्वीकार्य हुँदैन/छैन। हिजो कसैले गरेको थियो भने त्यो गलत, आज कसैले गर्दैछ भने त्यो गलत र भोलि कसैले गर्नेछ भने त्यो पनि गलत। जनतालाई सेवाप्रवाह नगर्ने, सुशासन नदिने, तिनका समस्या सम्बोधन नगर्ने तर सामाजिक सञ्जालमा हुने आलोचनासँग त्रसित हुनेहरूले टिकटकमा प्रतिबन्ध लगाउनु हाँस्यास्पद र विडम्बनापूर्ण छ,’ उनले सामाजिक सञ्जालमा लेखेका छन्।
सोमबार बिहान बालुवाटार बसेको मन्त्रिपरिषद बैठकले टिकटक बन्द गर्ने निर्णय गरेको हो
प्रतिक्रिया दिनुहोस
सफल खबर संवाददाता
सोमबार, २७ कार्तिक २०८०, १८ : ३३
लेखकबाट थप
सम्बन्धित समाचारहरु
राप्रपालाई ५ हजार २२२ रुपैयाँ जरिवाना
राप्रपाका तीन सांसद इलाम चुनावको प्रचारमा घरदैलो गर्दै
राप्रपाको आन्दोलनमा घाइते भएका नेता डाँगीको मृत्यु
कांग्रेस र राप्रपाद्वारा संसद् अवरुद्ध
राप्रपा अब कसैले नजरअन्दाज गर्न नसक्ने शक्तिको रूपमा स्थापित भइसक्यो : राजेन्द्र लिङ्देन
राप्रपाको आज काठमाण्डौंमा जनप्रदर्शन, दर्जनौं स्थानबाट ऱ्याली निस्कने, भृकुटीमण्डपमा भेला