सुनको मूल्य बढ्यो,कति पुग्यो तोलाको ?

काठमाडौँ । नेपाल सुनचाँदी व्यवसायी महासंघले आज सुनको मूल्य बढेको जानकारी दिएको छ । महासंघले आजको बजारभाउ तय गर्दै हिजो बुधबारको तुलनामा सुनको मूल्य तोलामा ५०० ले बढ्दा चाँदीको मूल्य तोलामा १५ रुपैयाँले घटेको जानकारी दिएको हो ।

यससँगै, आज छापावाल सुनको मूल्य तोलामा १ लाख १३ हजार ७०० रुपैयाँ र तेजाबी सुनको मूल्य तोलामा १ लाख १३ हजार १५० रुपैयाँ कायम छ । हिजो बुधबार छापावाल सुनको मूल्य तोलामा १ लाख १३ हजार २०० र तेजाबी सुनको मूल्य तोलामा १ लाख १२ हजार ६५० रुपैयाँ कायम थियो ।

यस्तै, तोलामा १५ रुपैयाँको गिरावटसँगै चाँदीको मूल्य तोलामा १३ सय ९५ रुपैयाँ छ । हिजो बुधबार चाँदीको मूल्य तोलामा १४ सय १० रुपैयाँ थियो ।