राष्ट्रपतिसमक्ष अख्तियारको वार्षिक प्रतिवेदन पेश

काठमाडौँ । राष्ट्रपति रामचन्द्र पौडेलसमक्ष अख्तियार दुरुपयोग अनुसन्धान आयोगले आफ्नो वर्षिक प्रतिवेदन पेश गरेको छ ।  राष्ट्रपति भवन शीतल निवासमा अख्तियारका प्रमुख आयुक्त प्रेम कुमार राईले वार्षिक प्रतिवेदन पेश गरेका हुन् । 

नेपालको संविधानको धारा २९४ बमोजिम राईले आर्थिक वर्ष २०७९–०८० को वार्षिक प्रतिवेदन पेश गरेको राष्ट्रपति कार्यालयका सहायक प्रवक्ता वसन्त प्रसाद पन्थीले जारी गरेको विज्ञप्तिमा उल्लेख छ ।