मधेसमा आइतबारदेखि जसपाको संगठन विस्तार अभियान सुरु हुने

धनुषाा ।  जनता समाजवादी पार्टी (जसपा) नेपाल मधेस प्रदेश समितिले संगठन विस्तार अभियान उद्घाटन तथा अभिमुखीकरण कार्यक्रम गर्ने भएको छ । सो पार्टीले आइतबार जनकपुरमा संगठन विस्तार अभियान र अभिमुखीकरण कार्यक्रमको उद्घाटन गर्ने भएको हो  । उद्योग वाणिज्य संघको सभा हल जनकपुरधाममा हुने कार्यक्रमको उद्घाटन  पार्टीका अध्यक्ष उपेन्द्र यादवले गर्ने भएका छन् ।

कार्यक्रममा मधेस प्रदेशबाट प्रतिनिधित्व गर्ने केन्द्रीय कार्यकारिणी समिति सदस्य, केन्द्रीय समिति सदस्य, संघीय परिषद् सदस्य, संघीय सांसद, प्रदेश कार्यकारिणी समिति सदस्य, प्रदेश समिति सदस्य, प्रदेशसभा सदस्य र  मधेस प्रदेश परिषद् सदस्यलाइ कार्यक्रममा अनिवार्य उपस्थित हुन भनिएको छ ।

त्यस्तै मधेस प्रदेश अन्तर्गतका भ्रातृ तथा पेसागत संगठनका पदाधिकारी, पार्टी जिल्ला समितिका पदाधिकारी तथा सदस्य, स्थानीय तहका जनप्रतिनिधि, पालिका समितिका अध्यक्ष र जिल्लाका भ्रातृ तथा पेसागत संगठनका पदाधिकारीलाई पनि कार्यक्रममा अनिवार्य उपस्थित हुन भनिएको छ ।

कार्यक्रमको उद्घाटन बिहान ११ः३० बजे हुने सो पार्टीको केन्द्रीय प्रचार प्रसार तथा प्रकाशन विभागले जनाएको छ । जसपाले ३ महिने अभियान सञ्चालन गरी सबै प्रदेशमा संगठन गठन, पुनर्गठन, प्रशिक्षण तथा अभिमुखकीरण कार्यक्रमलाई तिव्रता दिइरहेको छ ।