जनार्दन शर्माको फेसबुक पेज ह्याकरको कब्जामा

काठमाडौं । नेकपा माओवादी केन्द्रका उपमहासचिव तथा पूर्वअर्थ तथा गृहमन्त्री जनार्दन शर्माको फेसबुक पेज ह्याक भएको छ । पछिल्लो सयम सार्वजनिक पदमा रहेका व्यक्तिहरूको फेसबुक तथा इन्स्टाग्राम ह्याक गरेर पैसा माग्नेलगायतका काम भइरहेका बेला शर्मा पनि ह्याकरको शिकार भएका हुन् ।

नेता शर्माले आफ्नो फेसबुक पेज जनार्दन शर्मा प्रभाकर केही दिनदेखि ह्याक भएको भन्दै सचेत रहन आग्रह गरेका छन् । उनले आफ्नो पेज स्वमित्वमा ल्याउन प्रयास भइरहेको बताएका छन् ।

५ दिनअघि शर्माले रामवृक्ष यादवको स्मृतिको दिन पोष्ट गरेयता उनको पेज ह्याकरको कब्जामा गएको देखिन्छ ।