काठमाडौँ । नेकपा एकीकृत समाजवादीले पार्टी कामलाई व्यवस्थित गर्न आठ बुँदे कार्ययोजना अघि सारेको छ । मंगलबारदेखि सुरु भएको सो पार्टीको केन्द्रीय कमिटीको छैटौँ बैठकमा अध्यक्ष माधवकुमार नेपालले पेस गरेको वैचारिक राजनीतिक प्रतिवेदनमा पार्टीले तत्काल गर्ने कामहरूको खाका समेटिएको छ । जसमा संगठनात्मक, विचारधारात्मक र प्रचारात्मक काम मुख्य रहेका छन् । आगामी पाँच महिनापछि महाधिवेशनको तयारीमा रहेको सो पार्टीले विशेषगरी महाधिवेशन केन्द्रित कार्य योजनालाई बढी जोड दिने भएको छ ।
अध्यक्ष नेपालको प्रतिवेदनमा संगठनात्मक काम अन्तर्गत पार्टी सदस्यता वितरण र नवीकरण पहिलो प्राथमिकतामा रहेको छ । जसअन्तर्गत भदौ २० भित्र पार्टी कमिटी र जनवर्गीय पेसागत सामुदायिक संगठनका कमिटीहरूको बैठक बसेर योजना बनाई कात्तिकभित्र पुरानो सदस्यता नवीकरण सक्ने र नयाँ वितरण गर्ने उल्लेख छ । त्यस्तै मंसिर १० भित्र प्रमाणीकरणका लागि केन्द्रीय संगठनमा पठाउने उल्लेख छ ।
त्यसै गरी विचारधारात्मक काममा महाधिवेशनमा प्रस्तुत गर्ने दस्ताबेजको मस्यौदामा छलफल र बहस चलाउने तथा प्रशिक्षण समेत चलाउने भएको छ । त्यसै गरी महाधिवेशन केन्द्रित प्रचारात्मक काममा जोड दिने तथा महाधिवेशनका निम्ति आवस्यक पर्ने आर्थिक संकलन गर्ने योजना अघि सारेको छ । सो पार्टीले महाधिवेशनका लागि सदस्यता शुल्क र लेबी उठाउनुका साथै विशेष आर्थिक सहयोगमार्फत संकलन गर्ने भएको छ । कार्यालय व्यवस्थापन अन्तर्गत हरेक कमिटीले आफ्नो तहको अभिलेख व्यवस्थित राख्नुपर्ने र माथिल्लो कमिटीमा नियमित पठाउनुपर्नेछ ।
समाजवादीले आफ्नो कार्य योजनामा जनजागरण अभियानलाई पनि प्राथमिकतामा राखेको छ । जसमा भ्रष्टाचार, कमिसन तन्त्र, जातीय विभेद, छुवाछुतजन्य व्यवहारमा जनचेतनामूलक कार्यक्रम जारी राख्ने भएको छ । त्यसै गरी कार्य योजनाको आठ नम्बर बुँदामा आगामी असोज महिनामा पार्टीले उठाउँदै आएका र उठाउनुपर्ने आर्थिक, सामाजिक, शैक्षिक, सुशासनका मुद्दामा अभियान चलाउने भएको छ । जसलाई राष्ट्रव्यापी बनाउने एकीकृत समाजवादीले जनाएको छ ।
प्रतिक्रिया दिनुहोस
सफल खबर संवाददाता
मंगलबार, ०५ भदौ २०८०, १२ : ३८
लेखकबाट थप
सम्बन्धित समाचारहरु
एकीकृत समाजवादी मकवानपुरको अध्यक्षमा दाहाल
बिना विभागीय मन्त्रीको शपथ लिएकी लुंगेलीलाई श्रम मन्त्रालयको जिम्मेवारी
कोशीको मुख्यमन्त्रीलाई ३० दिनभित्र विश्वासको मत लिन राजेन्द्र राईको सुझाव
कम्युनिष्टहरु एकताबद्ध नभई देशको प्रगति असम्भव : झलनाथ खनाल
मधेशमा माओवादीका २ र एकीकृत समाजवादीका १ जना मन्त्री बन्दै
एकीकृत समाजवादीको महाधिवेशन केन्द्रित मस्यौदा समितिको बैठक शुरू