ट्याक्टर दुर्घटना हुँदा एकको मृत्यु, पाँच घाइते

काठमाडौ । पाल्पाको माथागढीमा ट्याक्टर दुर्घटना हुँदा एक जनाको मृत्यु भएको छ। दुर्घटनामा अन्य पाँच जना घाइते भएका छन्।

गएराति माथागढी गाउँपालिका- २ मा लु ४ त ६६३२ नम्बरको मालवाहक ट्याक्टर आफैँ अनियन्त्रित भई सडकबाट तल खसेको जिल्ला प्रहरी कार्यालय पाल्पाले जनाएको छ।

दुर्घटनामा माथागढी गाउँपालिका- २ घर भएका ३८ वर्षीय बेदप्रसाद भुसालको मृत्यु भएको छ। 

दुर्घटनाका घाइते सबैको लुम्बिनी मेडिकल कलेज तानसेनमा उपचार भइरहेको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिए।