काठमाडौ । नेकपा (माआवादी केन्द्र) को स्थायी समितिको बैठक शुरू भएको छ । पार्टी केन्द्रीय कार्यालय पेरिसडाँडामा बैठक केहीबेर अघि शुरू भएको हो ।
बैठकमा आजदेखि राजधानीमा शुरू हुने केन्द्रीय समिति बैठकको सम्बन्धमा छलफल हुने माओवादीले जनाएको छ । बैठकले केन्द्रीय समितिमा पेस हुने राजनीतिक तथा साङ्गठनिक दस्तावेजलाई अन्तिम रूप दिनेछ । स्थायी समिति अगाडि पार्टी मुख्यालयमा केन्द्रीय समितिको ‘एजेन्डा’ तय गर्न पदाधिकारी बैठक बसेको थियो ।
पदाधिकारी बैठकमा केन्द्रीय समिति बैठकका बारेमा छलफल भएको बताइएको छ ।
कमलादीस्थित नेपाल प्रज्ञा प्रतिष्ठानमा हुने केन्द्रीय समिति बैठकमा पार्टी अध्यक्ष एवम् प्रधानमन्त्री पुष्पकमल दाहाल ‘प्रचण्ड’ले राजनीतिक तथा साङ्गठनिक प्रस्ताव पेस गर्ने छन् । प्रस्तावमाथि सबै केन्द्रीय सदस्यले धारणा राख्नेछन् ।
बैठकमा तीन सय ८५ पूर्ण केन्द्रीय सदस्य, एक सय ९८ वैकल्पिक केन्द्रीय सदस्य, तीन आयोगका ७५ सदस्य र पार्टीको १० प्रदेश पदाधिकारी एक सय गरी सात सय ५८ जनाको सहभागिता रहने माओवादी केन्द्रले जनाएको छ ।
प्रतिक्रिया दिनुहोस
सफल खबर संवाददाता
बुधबार, १७ साउन २०८०, १० : १९
लेखकबाट थप
सम्बन्धित समाचारहरु
सुदूरपश्चिममा सोडारीलाई विश्वासको मत दिने माओवादीको निर्णय
मधेश सरकारले स-शर्त अनुदानमा विभेद गरेकोमा माओवादीको आपत्ति
माओवादीका नेता शर्मा जसपा प्रवेश गर्दै
देव गुरुङको नेतृत्वमा माओवादीको टोली चीन भ्रमणमा
बझाङमा माओवादीले उम्मेदवारी फिर्ता नलिने
कोशीमा माओवादीका ३ जना मन्त्रीले दिए राजीनामा