आरजुलाई गगनको जवाफ- एनजिओको अनुभव मसँग छैन, यो कार्यकर्ताको विस लिस्ट हो

काठमाडौं । नेपाली कांग्रेसका महामन्त्री गगनकुमार थापाले आफूलाई एनजीओको बारेमा थाहा नभएको बताएका छन् । सोमबारको केन्द्रीय समिति बैठकमा नेतृ आरजु राणा देउवालाई जवाफ फर्काउँदै थापाले आफूसँग एनजीओको अनुभव नभएको बताएका हुन् ।

‘साथीहरूले कार्ययोजना एनजीओको विसलिस्ट जस्तो छ भन्नुभयो । मैले एनजीओमा काम गरेको अनुभव छैन,’ उनले भने । यसअघि आरजुले केन्द्रीय समिति बैठकमा महामन्त्री थापाको कार्ययोजना एनजीओको  ‘विसलिस्ट’ जस्तो लागेको बताएकी थिइन् ।