बुढीगण्डकी आयोजनाका लागि शक्तिशाली प्राधिकरण बनाएर अघि बढ्नुपर्छ : बाबुराम भट्टराई

गोरखा । पूर्वप्रधानमन्त्री डा.बाबुराम भट्टराईले बुढीगण्डकीमा देशले १० वर्ष खेर फालेको बताएका छन् । आज गोरखाको सिरुङ्टारमा फिल्ड कार्यालय स्थापनाको कार्यक्रममा बोल्दै भट्टराईले आयोजनाको नाममा १० वर्ष फालेको बताएका हुन् । 

उनले यो आयोजनामा मुआब्जा सहजरुपमा वितरण भएपनि आयोजनाको निर्माण अघि बढ्न नसकेको बताए । उनले  बुढीगण्डकी आयोजनाबाट देशले ठूलो आर्थिक लाभ लिन सक्नेसमेत उनको भनाई छ । 

यो आयोजना विकास गर्न एउटा शक्तिशाली प्राधिकरण बनाएर अघि बढ्नुपर्ने भट्टराईको भनाई छ । तर सरकारले यो कुरा बुझ्न नसकेको बताउँदै उनले आयोजना प्राधिकरण मातहत अघि बढाउन सकिने समेत बताए । हाल स्थापना भएको कम्पनीलाई प्राधिकरणको मातहतमा राख्न सकिने समेत उनले बताए । 

भट्टराईले बुढीगण्डकी विकास प्राधिकरणको अध्यक्षमा विद्युत प्राधिकरणका प्रमुख कुलमान घिसिङलाई बताउन समेत प्रस्ताव गरेका छन् ।