काम गर्ने वातावरण बनाउन भन्दै ललितपुरका जिल्ला न्यायाधीश र कर्मचारी सर्वोच्चमा

काठमाडाैं। कानून व्यवसायीको अन्दोलन र सिर्जित पछिल्लो परिस्थितिका कारण गर्न बाधा पुगेको भन्दै जिल्ला अदालत ललितपुरका न्यायाधीश तथा सुरक्षा माग्दै कर्मचारीहरू सर्वोच्च अदालत पुगेका छन् ।मंगलवार अदालत खुलेलगत्तै सर्वोच्च पुगेर उनहरूले सुरक्षित ढंगले काम गर्ने वातावरण बनाउन माग गरेका हुन् ।

२०८० असार १३ गते ललितपुर जिल्ला अदालतकी नायब सुब्बा प्रेमिका तामाङलाई आदेश हेर्ने बहानामा वारेस समेत लिएका वकिल अमीर लामिछानेले कुटपिट गरी घाइते बनाएको घटनाबाट तनाव सिर्जना भएको हो ।

कानून व्यवसायीहरूले भने तामाङले घुस मागेको र नदिएपछि शुरूमा आफैं हातपात समेत गरेको आरोप लगाएका छन् । सोहीकारण नेपाल बार एसोसिएसनको अगुवाइमा देशव्यापी आन्दोलन समेत भएको छ ।

सोही प्रकरणमा जिल्ला अदालत ललितपुरका कर्मचारी र न्यायाधीशहरू सर्वोच्च पुगेका हुन् ।'सुरक्षा माग्दै आउनुभएको थियो, अहिले फर्किसक्नुभयो,' सर्वोच्चका एक कर्मचारीले लोकान्तरसँग भने ।