काठमाडौँ । दक्षिण कोरियाले उमेर गणनाका लागि बुधबारबाट कार्यान्वयनमा ल्याएको नयाँ नियमले त्यस देशका नागरिकको उमेर १ देखि २ वर्षसम्म कम भएको छ । यसअघि दक्षिण कोरियाले उमेर गणनाको परम्परागत विधिलाई त्याग्दै अन्तर्राष्ट्रिय मापदण्ड लागू गरेपछि आफ्ना नागरिकको उमेर कम हुन पुगेको हो ।
कोरियामा आमाको गर्भमै रहेको समयदेखिको उमेर गणना गरिने परम्परागत नियम थियो । फलस्वरुप शिशुको जन्म हुनेबित्तिकै उसको उमेर एक वर्षको हुन्थ्यो र नयाँ वर्षपछि उक्त शिशुको उमेर २ वर्षको हुने गर्थ्यो । उदाहरणका लागि कुनै शिशुको जन्म २०२२ डिसेम्बर ३१ मा भयो भने सोही दिन शिशुको उमेर एक वर्षको हुने र २०२३ जनवरी १ मा शिशुको उमेर २ वर्ष भएको मान्ने गरिन्थ्यो । अर्थात् जन्मिएको दुई दिनमै शिशु २ वर्षको हुने विधि थियो ।
दक्षिण कोरियाले उमेर गणनामा लागू गरेको अन्तर्राष्ट्रिय मापदण्ड बुधबारदेखि कार्यान्वयनमा आएको छ । गत वर्ष राष्ट्रपतिमा नियुक्त भएसँगै युन सुक योल उमेर गणनाको नियम परिवर्तनको गर्नुपर्ने पक्षमा जोड दिँदै आएका थिए ।
उनले परम्परागत उमेर गणना विधिले 'अनावश्यक सामाजिक तथा आर्थिक मूल्य' सिर्जना गरेको बताउँदै आएका थिए । जापानले यो विधि सन् १९५० मा त्यागेको थियो भने उत्तर कोरियाले पनि ८० को दशकमा हटाएको थियो ।
प्रतिक्रिया दिनुहोस
एजेन्सी
बुधबार, १३ असार २०८०, १५ : १६
लेखकबाट थप
सम्बन्धित समाचारहरु
दक्षिण कोरियाद्वारा पहिलो पृथ्वी नानोस्याटेलाइट प्रक्षेपण
दक्षिण कोरियाको निर्वाचनमा बिपक्षी दल बहुमत सिटमा बिजयी
दक्षिण कोरियाद्वारा दोस्रो सैन्य जासुस उपग्रह प्रक्षेपण
गृहमन्त्री लामिछानेसँग भारतीय र दक्षिण कोरियाका राजदूतको भेटवार्ता
दक्षिण कोरियाको बेरोजगारी दर १३.३ प्रतिशत घट्यो
दक्षिण कोरियामा माछा मार्ने डुङ्गा पल्टिँदा ६ जना बेपत्ता