काठमाडौं । प्रहरीले नक्कली भुटानी शरणार्थी प्रकरणमा दुई महिना लामो अनुसन्धानपछि जिल्ला सरकारी वकिल कार्यालय काठमाडौंमा प्रतिवेदन बुझाएको छ। सोमबार जिल्ला प्रहरी परिसर काठमाडौंकाे टाेलीले आरोपपत्रसहितको प्रतिवेदन बुझाएको सरकारी वकिल कार्यालयका प्रमुख अच्युतमणि न्यौपानेले जानकारी दिए ।
प्रहरीले पक्राउ परेका १६ जनासहित ३२ जनाविरुद्ध २७ करोड बिगोसहित जरिबाना गर्नुपर्ने उल्लेख गर्दै प्रतिवेदन तयार पारेको छ । उनीहरुविरुद्ध राज्यविरुद्धको, ठगी र संगठित अपराध गरी तीन खालका मुद्दा चलाउनुपर्ने प्रहरीको राय छ।
अहिले प्रहरी हिरासतमा नेकपा (एमाले) का सांसद टोपबहादुर रायमाझी, उनका छोरा सन्दीप, पूर्वगृहमन्त्री बालकृष्ण खाण उनका सहयोगी नरेन्द्र केसी, पूर्व गृहमन्त्री रामबहादुर थापा बादलका सुरक्षाविज्ञ इन्द्रजित राई, पूर्वगृहसचिव टेकनारायण पाण्डे र नेपाली कांग्रेसका पूर्वसांसद आङटावा शेर्पा छन्।
यस्तै केशव दुलाल, सानु भण्डारी र टंक गुरूङ, सागर राई, सन्देश शर्मा, रामशरण केसी, गोविन्द चौधरी, हज समितिका अध्यक्ष शमशेर मियाँ र शरणार्थी नेता टेकनाथ रिजाललाई प्रहरीले पक्राउ गरेको छ।
प्रतिक्रिया दिनुहोस
सफल खबर संवाददाता
सोमबार, ०८ जेठ २०८०, १४ : ०५
लेखकबाट थप
सम्बन्धित समाचारहरु
टोपबहादुरका छोरा सन्दीपलाई ३० लाख धरौटीमा छाड्न आदेश
नक्कली शरणार्थी प्रकरण :थुनामा राख्ने आदेश गलत भएको भन्दै बालकृष्ण, टोपबहादुरलगायत नेता उच्च अदालत पाटन पुगे
नक्कली शरणार्थी प्रकरणः रायमाझी र खाँणसहित १६ जनालाई पुर्पक्षमा कारागार पठाउन आदेश
नक्कली शरणार्थी प्रकरणमा सलंग्नलाई कारबाहीको माग गर्ने अधिकारकर्मी पक्राउ
नक्कली शरणार्थी प्रकरणः खाँणसहित ९ जना प्रतिवादीको थुनछेक बहस बाँकी
नक्कली शरणार्थी प्रकरण : थुनछेक बहस सुरु, जेठ ३१ गते आदेश