समृद्ध नेपालको आकांक्षा पूरा गर्नु शहिदप्रति सच्चा श्रद्धाञ्जली: सभामुख घिमिरे

काठमाडौं । प्रतिनिधि सभाका सभामुख देवराज घिमिरेले नेपालमा लोकतन्त्र प्राप्तिका लागि प्राणको आहुति दिने ४ जना शहिदप्रति श्रद्धाञ्जली अर्पण गरेका छन ।

उनले सोमबार शहिद दिवसका अवसरमा एक सन्देश जारी गर्दै यस्तो बताएका हुन। नेपाली जनताका अधिकारलाई कुण्ठित गर्न खोज्ने अनेक खाले प्रयासलाई जनताले नै सफल हुन नदिएको बताए। नेपाली जनताको अधिकार प्राप्तिको संघर्षमा ४ जना शहिदको योगदानको उच्च प्रशंसा गर्न चाहाएको उनले बताए ।

शहिदहरूकै कारण आज हामीले नागरिक स्वतन्त्रताको उपयोग गर्न पाएको उनको तर्क छ । राजनीतिक संघर्षको समय सकिएर विकास र समृद्धिको समय आएको समेत जारी सन्देशमा उल्लेख गरिएको छ । सुखी नेपाली समृद्ध नेपालको राष्ट्रिय आकांक्षा पूरा गर्न सके मात्र शहिदप्रति सच्चा श्रद्धाञ्जली हुने उनले बताए।