कांग्रेस संसदीय दलको निर्वाचन ६ पुसमा हुने, यस्तो छ निर्वाचन तालिका

काठमाडौं । नेपाली कांग्रेसले पुस ६ गते संसदीय दलको नेता चयनका लागि निर्वाचन गर्ने भएको छ । निर्वाचन समितिले सोमबार निर्वाचन कार्यक्रम सार्वजनिक गरेको हो । 

समितिका संयोजक भीष्मराज आङ्देम्बेका अनुसार पुस ४ गते दिउँसो २ बजेसम्मा मतदाता नामावली प्रकाशन गरिनेछ । यसैगरी सोही दिनको साढे २ बजेसम्म नामावलीउपर दावी विरोधका लागि समय दिनुका सागै अपराह्न ४ बजे अन्तिम नामावली प्रकाशन गरिनेछ । 

त्यसपछि पुस ५ गते बिहान ८ बजेदेखि १० बजेसम्म उम्मेदवारको लागि दरखास्त दिने समय दिइएको छ भने दिउँसो ३ बजे उम्मेदवारको अन्तिम नामावली प्रकाशन गरिनेछ । यस्तै पुस ६ गते बिहान ८ देखि १० बजेसम्म मतदान हुनेछ ।