मतदान पछि गगन थापाको प्रतिक्रिया : 'संसदीय दलको नेता चुनिए भने ड्राइभिङ सिटमा बसेर देश हाँक्ने हो'

काठमाडौं । नेपाली कांग्रेसका महामन्त्री गगन थापाले संसद निर्वाचित भएको भोलिपल्टैबाट संसदीय दलको निर्वाचनको तयारी गर्ने बताएका छन् । 

काठमाडौं क्षेत्र नम्बर–४ बाट प्रतिनिधि सभा सदस्यको उम्मेदवार रहेका थापाले मतदानपछि प्रधानमन्त्री बन्नका लागि संसदीय दलको नेता बन्न आवश्यक रहेको भन्दै अब त्यसको तयारीमा लाग्ने बताए । 

‘कांग्रेसको निर्वाचित सांसदहरुको विचबाटै संसदीय दलको नेता चुनिने हो । कांग्रेस बाहेक अन्य दलमा संसदीय दलको नेता छान्ने प्रक्रिया नै पूरा नहोला भन्ने लाग्छ । बदलाव आयो भने नेपाली कांग्रेस भित्रै आउने हो’, उनले भने । 

‘निर्वाचन सकिएर सांसद निर्वाचित भएको भोलिपल्टैबाट संसदीय दलको चुनावको तयारी गर्ने हो । ड्राइभिङ सिटमा बसेर देश हाँक्ने हो’, उनले भने । निर्वाचनबाट कांग्रेसले सानदाररूपमा चुनाव जित्ने उनले बताए । 

‘मेरो पार्टी र गठबन्धनमा सबै साथीहरू मलाई जिताउन खट्नुभएको छ । मैले सबै कुरा मतदाताको हातमा छाडेको थियो’, उनले भने ।