काठमाडौं । प्रमुख निर्वाचन आयुक्त दिनेशकुमार थपलियाले काठमाडौं र तराईका जिल्लामा आज राति ९ बजेबाट नै मतगणना कार्य शुरू हुने जानकारी दिएका छन् ।
आइतवार भक्तपुरको युनिक नेपाल एकेडेमीस्थित केन्द्रबाट प्रतिनिधिसभा र प्रदेशसभा सदस्य पदका लागि मतदान गरेपछि प्रमुख आयुक्त थपलियाले आजै मतगणना शुरू गर्ने तयारी रहेको बताएका हुन् ।
‘आज ५ बजे मतदान कार्य सम्पन्न हुनासाथ सबै मतपेटिका संकलन गर्ने कार्य प्रारम्भ हुन्छ । ७ बजेसम्म मतपेटिका संकलन गर्ने र एक घण्टा छलफल गरेर आजै राति ९ बजेदेखि मतगणना कार्य प्रारम्भ हुनेछ । हिमाली जिल्लामा मतपेटिका आज नै जम्मा गर्न नसकिने भएकाले भोलि बिहान ५ बजेबाट मतगणना शुरू गर्ने भनेका छौं,’ थपलियाले भने ।
थपलियाले प्रत्यक्षतर्फ ८ दिनभित्र र समानुपातिकतर्फ २२ गतेभित्र नतिजा नतिजा आइसक्ने दाबी गरे । उनले मतगणना कार्य सुव्यवस्थित र चाँडो सम्पन्न गर्ने मतगणना अधिकृतहरूलाई आयोगले विशेष सुविधा प्रदान गर्ने समेत बताए ।
प्रमुख आयुक्त थपलियाले व्यवस्थित र शान्तिपूर्ण ढंगले मतदान सम्पन्न हुने विश्वास पनि व्यक्त गरे ।
प्रतिक्रिया दिनुहोस
सफल खबर संवाददाता
आइतबार, ०४ मंसिर २०७९, ०८ : ३९
लेखकबाट थप
सम्बन्धित समाचारहरु
राष्ट्रियसभा निर्वाचन : बागमतीमा मतगणना सुरु
शिवचन्द्रसँग उपेन्द्रले बनाए ५ हजार भन्दा बढीको मतान्तर
बारा २ मा उपेन्द्र यादवको अग्रता कायमै, पछ्याउँदै शिवचन्द्र कुशवाहा
विवादपछि स्थगित बारा-२ को मतगणना सुचारु
बारा-२ को पछिल्लो मतपरिणाम सार्वजनिक
बारा २ को मतगणना सुरु