गाजाको शरणार्थी शिविरमा आगलागी, २१ जनाको मृत्यु

एजेन्सी । गाजा पट्टीको शरणार्थी शिविरमा आगलागी हुँदा कम्तीमा २१ जनाको ज्यान गएको छ । मृत्यु हुनेमा १० बालबालिकासमेत रहेको स्थानीय अधिकारीलाई उदृत गर्दै अन्तर्राष्ट्रिय सञ्चारमाध्यमले जनाएका छन् ।

गाजाको जबालिया शरणार्थी शिविरमा आगलागी भएको हो । जनघनत्व बढी रहेको शिविरमा लागेको आगो नियन्त्रणमा आएको छ । प्रारम्भिक अनुसन्धानबाट भान्छामा रहेको ग्यास चुहावट भएर आगलागी भएको खुलेको छ । आगलागी भएको जाबालिया गाजामा रहेको ८ मध्येको एक शिविर हो ।

वेष्ट ब्यांकमा रहेका प्यालेस्टाइनी प्रधानमन्त्री महमुद अब्बासले एक दिने राष्ट्रिय शोकको घोषणा गर्दै घटनाप्रति दुःख व्यक्त गरेका छन् ।