गोरखाको सडकमा धुलो रहन दिन्न : प्रचण्ड

गोरखा । पूर्व प्रधानमन्त्री एवमँ नेकपा माओवादी केन्द्रका अध्यक्ष पुष्पकमल दाहाल'प्रचण्ड'ले गोरखाका सडकमा धुलो रहन नदिने बताएका छन । आइतबार पालुङटार नगरपालिका वडा नम्बर ६ स्थित पौवाटारमा स्थानीय नागरिकहरुसँग भेटघाटको क्रममा प्रचण्डले सो कुरा बताएका हुन । तीनदिन देखि यहाँको सडकमा म यात्रा गरिरहेको छु अबको पाँच वर्षमा यहाँका सबै धुलो हटाएर बाटो कालोपत्रे गरिने छ अध्यक्ष प्रचण्डले भने ।  

गोरखाको धुवाँकोटमा नै बसेर माओवादी पार्टीको परिकल्पना गरेको र आज यो स्थान सम्म आएको बताउँदै यहाँ आएर निर्वाचनमा उम्मेदवारी दिने धेरै पहिला देखिको योजना आफ्नो रहेको उनले बताए । 

गोरखाले गण्डकी प्रदेशको मुख्यमन्त्री र सरकारको नेतृत्व एकै साथ प्राप्त गर्ने सम्भावनापनि रहेको उनको भनाइ छ । नेपाल समाजवादी पार्टीका अध्यक्ष बाबुराम भट्टराईले आगामी चुनावपछि माओवादी केन्द्रका अध्यक्ष पुष्पकमल दाहाल प्रधानमन्त्री बन्ने बताएका छन । गोरखाको विरुवाटारमा मतदाता भेटघाट कार्यक्रममा अध्यक्ष् ादाहालसहित पुगेका भट्टराईले सो कुरा बताए । 

०६४ सालमा र ०७४ सालमा भएका दुई निर्वाचनमा यहाँका जनाताहरुले आफूलाई भारी मतका साथ विजयी बनाएको बताए । तर अब पार्टी र संगठनमा अरु कुनै ढंगबाट सक्रिय रहने उनले बताए । ‘अब मैले बिदा लिन्छु । एउटै मान्छै सधैं पदमा बस्न सक्दैन र हुँदैन पनि । मअब अरु कुनै ढंगले सक्रिय हुनेछु,’ उनले भने । 

आफूले निर्वाचन जितेपछि बाटोघाटो निर्माण र विकासका कामहरु भएको र केही बाँकी रहेको पनि भट्टराइले बताए । प्रदेशसभा सदस्यका उम्मेदवार सुरेन्द्रराज पाण्डेले गोरखाले प्रधानमन्त्री पाउनेमा कुनै शँका नै नरहेको बताए ।