दाङ।सहरी विकासमन्त्री मेटमणि चौधरीले आधुनिक देउखुरीका लागि आफूले ल्याएका योजनाका कारण देउखुरीको मुहार फेरिने बताएका छन्।
नेपाली कांग्रेस गढवाले शुक्रबार आयोजना गरेको पालिकास्तरीय कार्यकर्ता भेलालाई सम्बोधन गर्ने क्रममा मन्त्री चौधरीले सो धारणा राखेका हुन्।
१० अर्बको लागतमा राप्ती कोरिडोर निर्माण प्रक्रिया अघि बढेको बताउँदै मन्त्री चौधरीले भने, ‘राप्ती कोरिडोर आयोजनाअन्तर्गत नदीको दुबैतर्फ तटबन्ध बन्ने छ। जसकारण बाढीको समस्या सदाका लागि हल हुनेछ। त्यसका साथै सैयौँ बिघा जग्गा जनताको हातमा आउनेछ। नदीको दुवैतर्फ फराकिला बाटा, हरियाली कायम हुनेछ। नदी किनारमा आधुनिक सहर निर्माण हुनेछ। पर्यटनको प्रवद्र्धन हुनुका साथै आयस्रोतका अनेक बाटा खुल्नेछन्।’
राप्ती कोरिडोर गेम चेन्जर परियोजना रहेको जानकारी दिँदै मन्त्री चौधरीले सीमा नाका जोड्ने बाटो निर्माण, श्रीनगर चोकदेखि स्वर्गद्धारी जोड्ने ५५ किलोमिटरको बाटो निर्माण, बनगाउँदेखि स्वर्गद्धारी जोड्ने केवलकार निर्माण, घाराहीलाई केन्द्र मानी मुख्य सहर जोड्ने पोड वे लगायतका परियोजनाका कारण देउखुरीको मुहार फेरिने बताए।
कार्यक्रममा लुम्बिनी प्रदेशका स्वास्थ्यमन्त्री इन्द्रजित थारु, कांग्रेसका क्षेत्रीय अध्यक्ष भेषराज पाण्डे, अनुप थापा, सकुन्तला डिसीलगायतले गठबन्धनका पक्षमा लाग्न सबैलाई निर्देशन दिएका थिए।
प्रतिक्रिया दिनुहोस
सफल खबर संवाददाता
शुक्रबार, ०४ कार्तिक २०७९, २१ : ००
लेखकबाट थप
सम्बन्धित समाचारहरु
गृहमन्त्री लामिछानेको सहकारी प्रकरण सत्ता समिकरणसँग जोडिएर आयो : मन्त्री चौधरी
रेडक्रस, समाज कल्याण र बालअधिकार परिषद् सुधार्न क्रियाशिल छु : मन्त्री चौधरी
लैङ्गिक समानताका चुनौतीहरू सामना गर्न विश्वको ध्यानाकर्षण गराएँ : मन्त्री चौधरी
महिला अधिकारको क्षेत्रका काम गर्न छुट्टै निकाय स्थापना गर्ने मन्त्री चौधरीको घोषणा
सहकारी पीडितको पैसा सहकारीबाट सरकारले लिन्छ र सरकारले उपलब्ध गराउँछ : मन्त्री चौधरी