एजेन्सी । नेटो नेतृत्वको गठबन्धनले युक्रेनलाई रुसविरुद्ध लड्न थप सघाउने भएको छ । युक्रेनका लागि परिष्कृत हवाई प्रतिरक्षा अस्त्रहरू उपलब्ध गराउने र क्षेप्यास्त्र प्रतिरक्षा प्रणाली बलियो बनाउने नेटेको घोषणा छ ।
रुसद्वारा भएका पछिल्ला क्षेप्यास्त्र हमलापछि यूके, क्यानडा, फ्रान्स र द नेदरल्याण्ड्सले क्षेप्यास्त्र र रेडारहरू सहितका त्यस्ता अस्त्रहरू युक्रेनलाई सहयोग दिने वाचा गरेका हुन् । अमेरिकाले भने अमेरिकाले यसअघि नै त्यस्तो वाचा गरिसकेको थियो ।
जर्मनीले दिएको एउटा उच्च प्रविधिको प्रणाली यसअघिदेखि नै युक्रेनमा छ । ब्रसल्सस्थित पश्चिमा सैन्य गठबन्धन नेटोको मुख्यालयमा युक्रेनलाई सघाउने ५० देशका नेताहरू जुटिरहँदा त्यस्ता वाचाहरू गरिएका हुन् ।
यस निर्णयको स्वागत गर्दै युक्रेनले उक्त सम्मेलनलाई ‘ऐतिहासिक’ भनेको छ । गत सोमवार र मङ्गलवार रुसले युक्रेनी ऊर्जा पूर्वाधार र अन्य गैरसैनिक निशानामा १०० भन्दा धेरै क्षेप्यास्त्र र कैयौँ ड्रोनहरूमार्फत् हमला गरेको बताइएको छ । यसपछि युक्रेनको क्षेप्यास्त्र प्रतिरक्षा प्रणाली बलियो बनाउन नेटो आबद्ध शक्तिराष्ट्रहरु कस्सिएका हुन् ।
रुसले गरेका ती हमलामा केही नागरिकहरु मारिएका छन् भने कैयौँ युक्रेनी सहरहरूमा व्यापक रूपमा विद्युत् अवरुद्ध हुनुका साथै पानीको आपूर्ति काटिएको छ ।रुसको यो, निर्ममु हमलाको अमेरिकासहित अन्तर्राष्ट्रिय जगतले निन्दा गरेको छ । तर रुसका राष्ट्रपति भ्लादिमिर पुटिनले भने ती हमलाहरू रुसको अधीनमा रहेको क्राइमियासँग जोड्ने एउटा मुख्य पुलमा भएको प्रहारको जबाफ भनेर बताएका छन् ।
क्राइमियालाई मस्कोले सन् २०१४ मा आफूमा गाभेको थियो ।
प्रतिक्रिया दिनुहोस
एजेन्सी
विहीबार, २७ असोज २०७९, १४ : ४५
लेखकबाट थप
सम्बन्धित समाचारहरु
‘नेटोले युक्रेनमा सेना पठाए तेस्रो विश्वयुद्द हुन्छ’
युक्रेनलाई युरोपेली संघको सदस्य बनाउने प्रयासमा हंगेरी आक्रोशित
अमेरिकाद्वारा युक्रेनलाई १५ करोड अमेरकी डलरको सैन्य सहायताको घोषणा
रुससँगको द्वन्द्वका कारण युक्रेनले भोग्यो १५० अर्ब डलर बराबरको क्षति
युक्रेनलाई सहयोग जारी राख्न धेरै समय छैन : राष्ट्रपति बाइडेन
युक्रेनलाई लामो दूरीमा प्रहार गर्ने क्षेप्यास्त्र दिँदै अमेरिका