वीरगञ्जमा करेन्ट लागेर दुई जनाको मृत्यु

वीरगञ्ज । करेन्ट लागेर वीरगञ्जमा दुई जनाको मृत्यु भएको छ ।

करेन्ट लागेर वीरगञ्ज महानगरपालिका- २६ रामकिशोरप्रसाद कुर्मीको घरको दोस्रो तल्लामा प्लास्टर गर्ने क्रममा पर्साको धोबिनी गाउँपालिका-३ हरिहरपुरका ३० वर्षीय सैफुल्ला अन्सारीको मृत्यु भएको हो ।

अन्सारीलाई विद्युतको पोलको तारमा अचानक करेन्ट लागि मृत्यु भएको पर्साका प्रहरी प्रवक्ता दिपक गिरीले जानकारी दिए । यसैगरी, वीरगञ्ज महानगरपालिका(८ बसपार्कस्थित शत्रुधन सर्राफको घरको छाना सफा गर्ने क्रम्मा ज्यालादारीमा काम गर्ने पर्सा वीरगञ्ज महानगरपालिका( ९ रानिघाट बस्ने ६० वर्षीय ध्रुवप्रसाद साहको मृत्यु भएको छ ।

करेन्ट लागेर घाइते भएका साहलाई उपचारको लागि आसाराम अस्पतालमा वीरगञ्ज पठाइएकोमा उनको मृत्यु भएको प्रहरी प्रवक्ता गिरीले बताए ।