मोटरसाइकलको ठक्करबाट पैदलयात्रीको मृत्यु

काठमाडौं । मोरङमा मोटरसाइकलको ठक्करबाट एक पैदलयात्रीको मृत्यु भएको छ । धनपालथान गाँउपालिका ७ स्थित धनपाल गेट नजिकै मोटरसाइकलको ठक्करबाट पैदलयात्री महिलाको मृत्यु भएको हो । 

मृत्यु हुनेमा स्थानीय ६५ वर्षीया कलावती मण्डल रहेकी प्रहरीले जनाएको छ । गम्भीर घाइते भएकी उनको उपचारको क्रममा गोल्डेन अस्पताल विराटनगरमा मृत्यु भएको हो ।

प्रदेश १ ०४ ००१ प ८८९४ नम्बरको मोटरसाइकलले पैदल हिडिरहेकी उनलाई हिजो साँझ साढे ६ बजे ठक्कर दिएको थियो ।