यो साता सुनचाँदीको मूल्यमा वृद्धि आएको छ । नेपाल सुनचाँदी व्यवसायी महासंघले साताभरमा सुनको मूल्य प्रतितोला ९०० र चाँदीको मूल्य प्रतितोला ४५ रुपैयाँले बढेको जानकारी दिएको हो ।
गत साताको शुक्रबार छापावाल सुनको मूल्य प्रतितोला ९३ हजार रुपैयाँ थियो । यस्तै, तेजाबी सुनको मूल्य प्रतितोला ९२ हजार ५०० रुपैयाँ थियो । जुन, यो साताको शुक्रबारसम्म आइपुग्दा छापावाल सुनको मूल्य तोलामा ९३ हजार ९०० र तेजाबी सुनको मूल्य ९३ हजार ४०० रुपैयाँ पुगेको छ ।
यो साता आइतबार तोलामा ६०० रुपैयाँले बढेको थियो । यस्तै, सोमबार १०० र मंगलबार ३०० रुपैयाँले बढेर सुनको मूल्य ९४ हजार रुपैयाँ पुगेको थियो । त्यसयता बुधबार एकैदिन मूल्य १००० रुपैयाँले घटेको थियो । यस्तै, बिहीबार ८०० र शुक्रबार १०० रुपैयाँले सुनको मूल्य बढेको महासंघले जनाएको छ ।
यसैगरी, यो साता चाँदीको मूल्य समेत बढेको छ । तोलामा ४५ रुपैयाँले बढेको चाँदीको मूल्य हिजो शुक्रबारसम्ममा प्रतितोला ११ सय ५० रुपैयाँ कायम भएको छ । गत साताको शुक्रबार चाँदीको मूल्य प्रतितोला ११ सय ५ रुपैयाँ थियो ।
प्रतिक्रिया दिनुहोस
सफल खबर संवाददाता
शनिबार, २५ भदौ २०७९, १२ : ५७
लेखकबाट थप
सम्बन्धित समाचारहरु
घट्यो सुनको मूल्य, कतिमा हुँदैछ किनबेच?
सुनको मूल्य स्थिर, कतिमा हुँदैछ किनबेच?
सुनको मूल्यमा नयाँ रेकड, कतिमा हुँदैछ कारोबार ?
आज सुनको मूल्य घट्यो, कतिमा हुँदैछ कारोबार ?
सुनचाँदीको मुल्य घट्यो, तोलाको कति पुग्यो ?
बढ्यो सुनचाँदीको मूल्य, कतिमा हुँदैछ कारोबार ?