सुनचाँदीको मुल्य घट्यो,कति पुग्यो तोलाको ?

काठमाडौं । नेपाली बजारमा आज सुनचाँदीको मूल्यमा गिरावट आएको छ । 

नेपाल सुनचाँदी व्यवसायी महासंघका अनुसार मंगलबार प्रतितोला ९४ हजार रुपैयाँमा कारोबार भएको छापावाल सुनको मूल्य बुधबार तोलामा एक हजार रुपैयाँले घटेर ९३ हजार रुपैयाँ कायम भएको छ । 

तेजावी सुन प्रतितोला ९२ हजार पाँच सय रुपैयाँमा कारोबार भइरहेको छ। त्यसैगरी आज चाँदीको मूल्य पनि घटेको छ । बुधबार चाँदी प्रतितोलामा १५ रुपैयाँले घटेर ११ सय १० रुपैयाँमा कारोबार भइरहेको महासंघले जनाएको छ ।