काठमाडौं । नेपाल धितोपत्र बोर्डले सी–आस्वा शुल्क अधिकतम ५ रुपैयाँ लिन पाउने ब्यवस्था रहेको छ । बोर्ड सीआस्वासँगै बैंक तथा वित्तीय संस्थाले बिक्री प्रबन्धकलाई बुझाउनुपर्ने शुल्क र बिक्री प्रबन्धकले सीडीएस एन्ड क्लियरिङ लिमिटेडलाई बुझाउनुपर्ने शुल्क पनि घटाएको छ ।
बोर्डले ‘धितोपत्र खरिद (सार्वजनिक निष्काशन) सम्बन्धी निर्देशिका, २०७३’ मा तेस्रो संशोधन गरी उक्त शुल्कहरु घटाएको हो । बैंक तथा वित्तीय संस्थाले निष्कासन तथा बिक्री प्रबन्धकलाई प्रतिदरखास्त १० रुपैयाँ बुझाउँदै आएकामा उक्त शुल्क घटाई प्रतिदरखास्त २ रुपैयाँमा सीमित गरेको छ ।यस्तै, केन्द्रीय निक्षेप सेवा प्रदायक सीडीएस एन्ड क्लियरिङले सुविधा उपलब्ध गराएवापत प्रतिदरखास्त १ रुपैयाँ मात्र लिन पाउने भएको छ । यसअघि सेवावापत २ रुपैयाँ शुल्क लिँदै आएको थियो । निर्देशिका संशोधन भएसँगै बैंकहरुले सी–आस्वा सेवावापत अधिकतम ५ रुपैयाँ मात्र शुल्क लिन लिन थालेका छन् ।
पछिल्लो समय प्राथमिक बजारमा आइपीओ नपर्ने तर आस्वा शुल्क मात्र काटिने भएपछि लगानीकर्ताले बैंक तथा वित्तीय संस्थाले सी(आस्वा सेवाको शुल्कमा एकरुपता कायम गर्नुपर्ने माग गरिरहेका थिए।
प्रतिक्रिया दिनुहोस
सफल खबर संवाददाता
बुधबार, ०८ भदौ २०७९, १३ : ५४
लेखकबाट थप