झापा । झापाको अर्जुनधारामा भारतीय नागरिकको हत्याका एक जना फरार अभियुक्तलाई प्रहरीले पक्राउ गरेको छ । हत्या गरेर बोरामा हालेर फालिएको अवस्थामा गत असार १२ गते एक भारतीय नागरिकको शव भेटिएको थियो ।
झापा अर्जुनधारा–४ स्थित जुकेखाडी–साहसी टोलभित्रको ह्युमपाइपमा फ्याँकिएको अवस्थामा भारत गुजरातका ४० वर्षीय जपडिया नरेश कुमार बाबु भाइको शव भेटिएको थियो ।
सोही हत्या आरोपमा यस अघि नै दम्पतिसहित तीन जनालाई प्रहरीले पक्राउ गरेर सार्वजनिक गरिसकेको थियो । एक जना फरार थिए । हत्या गरेर फरार रहेका भनिएका सुन्दर हरैँचा–६ मोरङका २४ बर्षीय सैलेश सापकोटालाई प्रहरीले पक्राउ गरेको हो ।
उनीसहितका हत्या अभियुक्तहरूले सुपारी लिएर ती भारतीय नागरिकको हत्या काम गरेको प्रहरीको दावी छ ।सापकोटालाई शुक्रवार नेपाल भारत सीमाबाट पक्राउ गरिएको प्रहरीले जनाएको छ ।
घटनामा संलग्न अर्जुनधारा–७ की ३२ वर्षीया जानुका देवी थापा, उनका पति ४९ वर्षीय विजय भन्ने बृखबहादुर थापा र सुनसरी जिल्ला बराहक्षेत्र नगरपालिका–१० बस्ने २५ बर्षीय सुरेश परियारलाई प्रहरीले यस अघि नै पक्राउ गरिसकेको छ । सापकोटा जानुकाको फुपुको छोरा भएको प्रहरीले जनाएको छ ।
प्रतिक्रिया दिनुहोस
सफल खबर संवाददाता
शुक्रबार, २४ असार २०७९, २० : १६
लेखकबाट थप
सम्बन्धित समाचारहरु
खैरो हेरोइनसहित युवक पक्राउ
नक्कली लेवलिङ गरेको २४१ थान कम्युटरसहित २ जना पक्राउ
अख्तियारको कर्मचारी भन्दै विद्यालयका शिक्षक धम्क्याएको आरोपमा पक्राउ
काठमाडौँ र कास्कीबाट जुवातास खेलिरहेका ११ जना पक्राउ
प्रहरी जवानको हत्यामा संलग्न नाबालकसहित ७ जना सार्वजनिक
ट्राफिक प्रहरी जवानको हत्या आशंकामा छ जना पक्राउ