मन्त्रिपरिषद् बैठक बस्दै

काठमाडौं । प्रधानमन्त्री शेरबहादुर देउवाको निर्देशनमा मन्त्रिपरिषद् बैठक बोलाइएको छ । बैठक आज दिउँसो ३ बजे बालुवाटारमा बस्न लागेको हो । नियमित बैठक सोमबार बस्ने गर्छ । तर हिजो मन्त्री फेरबदलको कारण बैठक आज डाकिएको बताइएको छ ।

यता अर्थ मन्त्रालयको कामकारवाही र अर्थमन्त्री जनार्दन शर्मासँग सम्बन्धित धेरै विषय सर्वत्र आलोचनाको विषय भएपछि बोलाइएको बैठकलाई आज थप महत्व दिइएको छ । हिजो संसदमा पनि अर्थमन्त्री, आगामी आर्थिक वर्षको बजेट र मन्त्रालयमा डिलिट गरिएको सिसिटिभी फुटेजबारे चर्को आवाज उठेको छ ।

प्रमुख विपक्षी दलका नेता केपी शर्मा ओली र नेपाली काँग्रेसका महामन्त्री तथा सभासद् गगन थापाले अर्थमन्त्रालय र अर्थमन्त्रीको आलोचना गर्नुभएको थियो । अर्थमन्त्रीलाई राजीनामा गराउनुपर्नेबारे गठबन्धन दलभित्रै र नागरिक समाजबाट प्रधानमन्त्रीलाई निकै दबाब परेको छ ।