शेयर बजार १८ अंकले गिरावट, कारोबार रकम साढें २ अर्ब नजिक

काठमाडौं । साताभर उकालो लागेको शेयर बजार बिहीबार अन्तिम दिन करेक्सन भयो । उतार चढावबीच बजार परिसूचक नेप्से १८ अंकले ओरालो लागेर २३ सय ५० कायम भएर थामियो ।

उत्पादनमूलक समूहमा भने ८० अंकको बृद्धि भयो । यस दिन नेपाल स्टक एक्सचेन्जमा २ सय २८ कम्पनीको ५२ लाख २७ हजार कित्ता शेयर २ अर्ब ३३ करोड बराबरमा किनबेच भएको एक्सचेन्जले जनाएको छ । यस दिन १ सय ५१ कम्पनीको शेयर मूल्यमा गिरावट आउँदा ३४ कम्पनीको बढ्यो भने ९ को स्थिर रहेको पनि नेप्सेले जनाएको छ ।घटेको बजारमा पनि जाल्पा सामूदायिक लघुवित्तको शेयर मूल्य भने १० प्रतिशतले बढ्यो ।