माओवादी केन्द्रको केन्द्रीय समिति बैठक शुक्रबार बस्दै

काठमाडौं । नेकपा माओवादी केन्द्रको केन्द्रीय समिति बैठक शुक्रबार बस्दैछ । प्रतिनिधिसभाबाट एमसीसी पास भएपछि बस्न लागेको सो पार्टीको बैठकलाई महत्वका साथ हेरिएको छ ।

एमसीसी पास गराउन पार्टीले खेलेको भूमिकालाई लिएर माओवादीभित्र आन्तरिक विवाद चर्किरहेको बेला बैठक बस्न लागेको हो । 

माओवादी केन्द्रका नेता गणेश साहले केन्द्रीय समिति बैठकमा एमसीसी सम्झौता, पदाधिकारी चयन, स्थायी समिति, पोलिटब्युरो, नेताहरूको जिम्मेवारी बाँडफाँट, केन्द्रीय समितिलाई पूर्णता दिने, स्थानीय तहका निर्वाचनसहित पछिल्लो राजनीतिक अवस्थालगायतका विषयमा छलफल हुने बताए ।